- ഇൻഫർമേഷൻ പബ്ലിക് റിലേഷൻസ് വകുപ്പ് പൊതുജനങ്ങൾക്കായി സംഘടിപ്പിക്കുന്ന 'മിഴിവ് - 2023' ഓൺലൈൻ വീഡിയോ മത്സരത്തിലേയ്ക്ക് എൻട്രികൾ ക്ഷണിച്ചു.
- വിഷയം -'മാറുന്ന കേരളം'
- സർക്കാരിന്റെ വികസന,ക്ഷേമ പ്രവത്തനങ്ങൾ ,നേട്ടങ്ങൾ ,മികവുറ്റ പദ്ധതികൾ ,വിജയഗാഥകൾ, ലക്ഷ്യത്തിലേക്കുള്ള ചുവടുവയ്പുകൾ എന്നിങ്ങനെ വിവിധ വിഷയങ്ങൾ ആധാരമാക്കാം
- വീഡിയോകളുടെ പരമാവധി ദൈർഘ്യം 90 സെക്കന്റാണ് .
- മൊബൈൽ ക്യാമറ ഉപയോഗിച്ച് ചിത്രീകരിക്കുന്ന എൻട്രികളും മത്സരത്തിനായി പരിഗണിക്കുന്നതാണ് .
- ഫിക്ഷൻ/ ഡോക്യുഫിക്ഷൻ/ അനിമേഷൻ, മ്യൂസിക് വീഡിയോ, മൂവിംഗ് പോസ്റ്റേഴ്സ് തുടങ്ങിയ രീതികളിൽ നിർമിച്ച വീഡിയോകളാണ് മത്സരത്തിനായി പരിഗണിക്കുക.അണിയറപ്രവർത്തകരുടെ പേരും ചേർത്തുള്ള വീഡിയോകളുടെ എച്ച് ഡി (1920×1080) mp4 ഫോർമാറ്റിൽ വേണം സമർപ്പിക്കേണ്ടത് .
- വെബ്സൈറ്റിൽ രജിസ്റ്റർ ചെയ്യുമ്പോൾ ലഭിക്കുന്ന ലോഗിൻ ഐഡിയും പാസ്വേഡും ഉപയോഗിച്ച് വേണം വീഡിയോകൾ അപ്ലോഡ് ചെയ്യേണ്ടത്.
- ഒരാൾ ഒരു വീഡിയോയിൽ കൂടുതൽ മത്സരത്തിനായി സമർപ്പിക്കേണ്ടതില്ല
- ലഭ്യമാകുന്ന എൻട്രികളുടെ പകർപ്പവകാശം പൂർണമായും ഐ &പി.ആർ.ഡി യിൽ നിക്ഷിപ്തമായിരിക്കും.
- മത്സരത്തിലേയ്ക്ക് ലഭിക്കുന്ന വീഡിയോകൾ വിദഗ്ദ്ധ ജൂറി വിലയിരുത്തി സമ്മാനങ്ങൾ നിശ്ചയിക്കും.ജൂറിയുടെ തീരുമാനം അന്തിമമായിരിക്കും
- മത്സരത്തിൽ പങ്കെടുക്കാൻ പ്രായപരിധിയില്ല.ഐ &പി.ആർ.ഡി ജീവനക്കാർ ഒഴികെ ഇന്ത്യൻ പൗരത്വമുള്ള ഏതൊരാൾക്കും മത്സരത്തിൽ പങ്കെടുക്കാം.
- മുൻകാലങ്ങളിൽ സമ്മാനം നേടിയവർക്കും മത്സരത്തിൽ പങ്കെടുക്കാവുന്നതാണ്